انڈین جھنڈے کے ڈور میٹ، ایمازون پر تنقید

Header Banner

انڈین جھنڈے کے ڈور میٹ، ایمازون پر تنقید

  Thu Jan 12, 2017 17:05        Urdu

انڈیا کی وزیر خارجہ سشما سوراج نے ٹویٹ میں ایمازون سے کہا ہے کہ وہ غیر مشروط معافی مانگے اور ان ڈور میٹس کی فروخت کو فوری طور پر روکے۔

انھوں نے مزید کہا ہے کہ اگر ایمازون ایسا نہیں کرتی تو انڈیا ایمازون کے حکام کے انڈین ویزے منسوخ کر دے گا اور مزید ویزے جاری نہیں کرے گا۔

ایمازون نے کہا ہے کہ اس نے اپنی ویب سائٹ سے یہ ڈور میٹس ہٹا دیے ہیں۔

سشما سوراج نے ٹویٹ میں کینیڈا میں انڈین ہائی کمشن سے کہا ہے کہ وہ اس معاملے کو ایمازون کے ساتھ اٹھائے۔

یہ ڈور میٹس ایمازون کی سائٹ پر ایک تھرڈ پارٹی بیچ رہی تھی۔ اس تھرڈ پارٹی نے ان ڈور میٹس کے بارے میں کہا تھا کہ یہ آسانی سے دھوئے جا سکتے ہیں۔

ایمازون کی ترجمان نے کہا کہ یہ مصنوعات اب برائے فروخت نہیں ہیں۔

یاد رہے کہ ایمازون مختلف ممالک کے جھنڈوں سے بنے ڈور میٹس بیچتا ہے تاہم انڈیا میں اس کو جھنڈے کی بےحرمتی تصور کیا جاتا ہے اور ایسا کرنے پر جرمانہ اور سزا ہوتی ہے۔

گذشتہ جولائی میں ایمازون اس وقت اسی قسم کے تنازعے کی زد میں آ گیا تھا جب اس نے ہندو دیوتاؤں کے ڈور میٹس فروخت کیے تھے۔

 


   Indian flag,indoor mats, criticized Amazon